Geguritan

Tak Enteni

Meh telung warsa iki

Aku ngenteni tekane sliramu

Nalika semana…..

Sliramu rak wis janji

Bakal marani aku

Bakal nemoni aku

Bakal aweh pepadhang

Pepenget lan piweling

Atiku kang garing

                   Sajakke kepengin

                   Diguyur dening toya bening

                   Kang bisa dadi pepadhang

                   Gantining netra

                   Supaya bisa weruh dalan

                   Dalan kang brigal-brigul

                   Kebak kriki

                   Kebak gragal

                   Kaya kali asat

Nanging, tekan saprene

Sliramu ora katon

Sliramu ora bali

Sliramu nyidrani janji

Apa wis lali

Apa sliramu nglali

Embuh…..

Embuh ra ruh

Anggitan : Ami Agustin, S.Pd